Nočču ŭ Irak vierniecca bolš za 600 mihrantaŭ
«U najbližejšyja hadziny dva samaloty vyleciać u Minsk dla evakuacyi ahułam 617 hramadzian, jakija chočuć dobraachvotna viarnucca ŭ Irak», — paviedamiŭ siońnia, u čaćvier, ambasadar Iraka ŭ RF Abdułrachman Chamid Al-Chusajni ŭ svaim tvitary.
U Nacyjanalnym aeraporcie Minsk paviedamili, što 25-26 listapada ź Minska ŭ Bahdad budzie vykanana dva vyvaznyja rejsy.
«Pieršy bort Iraqi Airways Airbus A320, raźličany na 180 pasažyraŭ, vylecieŭ z Bahdada ŭ Minsk u 17:06 i pavinien pryziamlicca ŭ Nacyjanalnym aeraporcie prykładna a 21:15. Zvarotny vylet ź Minska papiarednie zapłanavany na 22:15. Druhi rejs čakajuć u minskim aeraporcie nočču, kala 01:15 (26 listapada). Vylet nazad zapłanavany na 02:45 (26 listapada) na samalocie Boeing 747-400 (na 420 pasažyrskich kresłaŭ)», — prainfarmavali ŭ pres-słužbie aeraporta.
