Maci z synam u niekalki razoŭ zavyšali košty reahientaŭ i miedycynskaha abstalavańnia dla balnic
Upraŭleńniem Departamienta finansavych rasśledavańniaŭ Kamiteta dziaržkantrolu pa Minskaj vobłaści i Minsku vyjaŭlena, što dva kamiercyjnyja pradpryjemstvy pastaŭlali ŭ miedustanovy Biełarusi pa zavyšanych cenach abstalavańnie i chimičnyja reahienty, u tym liku dla praviadzieńnia PŁR-testaŭ, paviedamlaje KDK.
Dla minimizacyi padatkovych płaciažoŭ uładalniki dźviuch firmaŭ (maci i syn) unosili ŭ buchhałtarski ŭlik fiktyŭnyja dakumienty, aformlenyja ad imia padkantrolnych zamiežnych struktur. U hetych dakumientach štučna i značna zavyšaŭsia košt abstalavańnia i reahientaŭ (u tym liku dla PŁR-testaŭ i test-sistem pa vyznačeńni najaŭnaści antyhiena COVID-19), adpaviedna, fiktyŭna pavialičvalisia vydatki biełaruskich kamiercyjnych pradpryjemstvaŭ.
Vykarystoŭvajučy takuju supraćpraŭnuju schiemu, uładalniki kampanij niedapłacili ŭ biudžet bolš za 4,4 młn rubloŭ.
Paśla abstalavańnie i reahienty dla test-sistem pastaŭlalisia pa zavyšanych u 3—5 razoŭ cenach dziaržaŭnym pradpryjemstvam i ŭstanovam sistemy achovy zdaroŭja.
U dačynieńni da kiraŭnikoŭ kamiercyjnych struktur raspačatyja kryminalnyja spravy.
Akramia taho, vyjaŭlenyja fakty vypłaty zarpłaty ŭ kanviertach supracoŭnikam hetych firmaŭ. Za dva hady suma vypłačanaj «šeraj» zarpłaty pieravysiła 50 tysiač rubloŭ.
