Cichanoŭskaja: Pakul Jeŭropa praciahvaje sumniavacca, idzie čas
Siońnia Śviatłana Cichanoŭskaja ŭ jakaści pradstaŭnika Biełarusi vystupiła na plenarnym pasiadžeńni Jeŭraparłamienta z 30-chvilinnaj pramovaj. Voś asnoŭnyja cytaty.
Reuters.com
«Ja ŭdziačnaja ES za ćviordy adkaz na aburalnuju vychadku Minska, jaki pasadziŭ jeŭrapiejski samalot. U toj momant Jeŭrasajuzam možna było sapraŭdy hanarycca. I ŭsio ž, ci byŭ by adkaz takim ža žorstkim, kali b na borcie Ryanair nie było hramadzian ES? Ci tolki hramadzianie ES mohuć spadziavacca na abaronu demakratyi i pravoŭ čałavieka?»
«Pakul Jeŭropa praciahvaje sumniavacca, idzie čas — i heta čas niezakonna asudžanych, zabitych abo vyhnanych z krainy».
«Jak vy ličycie, ci razumiejuć nas usie hetyja biełarusy, kali im kažuć pra doŭhija biurakratyčnyja pracesy ŭ ES i niuansy suśvietnaj palityki i dypłamatyi? Ci dajuć biełarusam nadzieju i ŭpeŭnienaść zajavy ab hłybokaj zakłapočanaści? Što na samoj spravie moža skazać Jeŭrapiejski sajuz biełarusam — zabytamu ŭsimi jeŭrapiejskamu narodu, jaki choča taho ž, što majuć inšyja krainy Jeŭropy?»
«Dapamažycie biełarusam, kab jany zmahli dapamahčy Biełarusi i Jeŭropie, kab my mahli praciahvać baraćbu za našu i vašu svabodu».
