U Vilejcy siarod pryščeplenych ad kavidu razyhrajuć padarunki
Kab matyvavać ludziej zrabić pryščepku ad karanavirusa, u Vilejcy vyrašyli pravieści konkurs z uručeńniem pryzoŭ. Udzielnikami jaho mohuć stać tolki tyja pacyjenty, jakija atrymlivajuć pieršuju dozu vakcyny, paviedamlaje mlyn.by.
Akcyja startuje 25 listapada i praciahniecca try dni, paviedamiła hałoŭny doktar Vilejskaj CRB Iryna Makarava. Sponsarami stanuć rajonnaje abjadnańnie prafsajuzaŭ i prafsajuz CRB. Pryščapicca možna rasijskaj i kitajskaj vakcynaml.
Zrabić pryščepku možna doma praz zajaŭku ŭ koł-centr, u stacyjanarnych punktach (ich u horadzie dva — budynak Pałaca kultury i «Saturn»), u pracedurnym kabiniecie palikliniki i pa miescy raboty. Kožnamu pacyjentu budzie prysvojeny peŭny numar, niezaležna ad taho, dzie jon pryščapiŭsia.
Vyniki akcyi padviaduć 29 listapada i razyhrajuć piać pryzoŭ, uklučajučy pamiatnyja padarunki i kaśmietałahičny kurs.
U Vilejskim rajonie na kaniec listapada ad karanavirusa pryščapiłasia 33,7% nasielnictva.