Na mohiłkach u padlašskich Bahonikach pachavali zaŭčasna narodžanaje niemaŭla, što pamierła la miažy ź Biełaruśsiu
Na musulmanskich mohiłkach u padlaskaj vioscy Bahoniki pachavali ŭžo čaćviortaha čałavieka, jaki pamior la miažy. Jaho chacieli nazvać Chalikary.
Dzicia naradziłasia zaŭčasna, na 26-27 tydni.Jaho maci znachodzicca ŭ ciažkim stanie ŭ adnym sa špitalaŭ Padlašša, piša OKO.press. Baćka i piaciora inšych dziaciej znachodziacca ŭ łahiery dla zamiežnikaŭ.
Mihrantaŭ chavajuć na musulmanskich mohiłkach u Bahonikach niepadalok ad biełaruskaj miažy.
«Heta musulmanskija mohiłki, i hetyja mohiłki źjaŭlajucca miescam spačynu ŭsich musulman z usiaho śvietu, niezaležna ad taho, vychadcy ź Jemiena, Sudana ci našyja tatary — niavažna, chto, važna, što heta musulmanie — tady my biaromsia za taki abaviazak. U pryvatnaści ja, jak kiraŭnik musulmanskaj relihijnaj hramady ŭ Bahonikach, zajmajusia relihijnymi pytańniami, a potym vykonvaju hetuju rytualnuju častku», — tłumačyŭ raniej imam Alaksandr Ali Bazarevič.