Vyjšaŭ na volu palitviazień Alaksiej Ramanaŭ, jaki maje ankałahičnaje zachvorvańnie
Jon adbyvaŭ pakarańnie ŭ Hłybokim za «abrazu Łukašenki». Na volu vyjšaŭ siońnia.
Ramanaŭ maje invalidnaść z pryčyny ankałahičnaj chvaroby.
«Usio słava bohu! Stavilisia da mianie ŭ kałonii dobra. Sa zdaroŭjem taksama bolš-mienš. Jedu dachaty. Ja ŭ kałonii atrymaŭ za hety čas 10 tysiač listoŭ! Heta miašok vializny, na žal, ja stolki nie moh zabrać z saboj», — raskazaŭ «Radyjo Svaboda» pa vyzvaleńni Alaksiej.
Alaksiej Ramanaŭ — žychar Homiela, jak vałancior jon pracavaŭ u kamandzie Śviatłany Cichanoŭskaj, udzielničaŭ u ahitacyi. Na pikiecie ŭ Chojnikach Alaksiej vykazaŭsia pra Alaksandra Łukašenku. Śledstva i sud traktavali heta jak «abrazu prezidenta». Sud pakaraŭ jaho 1 hodam źniavoleńnia.
Adbyvaŭ pakarańnie u kałonii ŭ Hłybokim. Tam u jaho adbyŭsia recydyŭ chvaroby. Jon lačyŭsia ŭ respublikanskim turemnym špitali.
