Aŭstryja abviaściła abaviazkovuju vakcynacyju nasielnictva i ŭviała ahulny łakdaŭn
Raniej łakdaŭn byŭ uviedzieny dla nievakcynavanych.
Aŭstryja stała pieršaj krainaj Jeŭrasajuza, jakaja abviaściła pra abaviazkovuju vakcynacyju hramadzian. Žychary pavinny całkam pryščapicca da 1 lutaha 2022 hoda.
Pra heta ŭ piatnicu abviaściŭ aŭstryjski ŭrad, piša Radyjo Svaboda.
Akramia taho, ułady ŭviali ahulny łakdaŭn na 10 dzion. Jon moža być pradoŭžany maksimalna da 20 dzion, zajaviŭ kancler Alaksandr Šelenbierh.
Z-za rostu kolkaści chvorych karanavirusam 14 listapada ŭrad Aŭstryi ŭvioŭ žorstkija abmiežavalnyja miery dla nievakcynavanych žycharoŭ krainy.
U Aŭstryi pryščeplena kala dźviuch tracin nasielnictva. Heta adzin z samych nizkich pakazčykaŭ u Zachodniaj Jeŭropie. Łakdaŭn dla niepryščeplenych zakranaje kala dvuch miljonaŭ čałaviek. Im zabaroniena pakidać dom biez uvažlivaj pryčyny, da jakich staviacca pachod na pracu, u praduktovy mahazin ci da doktara. U hramadskija miescy ŭvachod dla nievakcynavanych začynieny navat ź niehatyŭnym PŁR-testam.