Minpracy anansavała navacyi ŭ Pracoŭny kodeks
Siońnia na pasiadžeńni Nacyjanalnaha savieta pa pracoŭnych i sacyjalnych pytańniach adobrany padychody, zamacavanyja ŭ prajekcie Zakona Respubliki Biełaruś «Ab źmianieńni zakonaŭ pa pytańniach pracoŭnych adnosin». Dakumient praduhledžvaje ŭniasieńnie źmianieńniaŭ i dapaŭnieńniaŭ u Pracoŭny kodeks.
Namieśnik ministra pracy i sacyjalnaj abarony Ihar Staravojtaŭ raskazaŭ BiełTA ab najbolš prykmietnych navacyjach, prapanavanych viedamstvam.
Novaje ŭ dystancyjnaj rabocie
Praduhledžvajucca novyja padychody da rehulavańnia dystancyjnaj raboty. Pracoŭny kodeks dapaŭniajecca normami ab tym, što dystancyjnaja rabota zmoža mieć nie tolki pastajanny charaktar, ale i časovy (nie bolš za šeść miesiacaŭ u kalandarnym hodzie), a taksama ažyćciaŭlacca šlacham čarhavańnia raboty dystancyjna i na rabočym miescy ŭ arhanizacyi (kambinavanaja rabota).
«Damoŭlenaści ab umovach takoj raboty najmalnik i rabotnik zmohuć dasiahnuć jak pry pryjomie na rabotu, tak i ŭ pieryjad pracoŭnaj dziejnaści», — udakładniŭ Ihar Staravojtaŭ.
Vykanańnie dystancyjnaj raboty nie zapatrabuje ŭniasieńnia źmianieńniaŭ u pracoŭny dahavor i budzie ažyćciaŭlacca na padstavie zahadu najmalnika. Ale ŭmova ab vykanańni kambinavanaj raboty pavinna budzie ŭklučacca ŭ pracoŭny dahavor.
Dadatkovyja miery pa achovie zdaroŭja rabotnikaŭ
Pavodle słoŭ namieśnika ministra, novy artykuł zakonaprajekta praduhledžvaje prava rabotnika na vyzvaleńnie ad raboty dla prachodžańnia dyspansieryzacyi z zachavańniem siaredniaha zarabotku pa miescy pracaŭładkavańnia. Kolkaść svabodnych ad raboty dzion budzie vyznačacca ŭ zaležnaści ad uzrostu čałavieka.
«Takoje prava budzie realizoŭvacca šlacham padačy rabotnikam zajavy. Pry hetym dzień vyzvaleńnia ad raboty budzie ŭzhadniacca im z najmalnikam», — dadaŭ Ihar Staravojtaŭ.
Paśla ŭsich miedahladaŭ rabotniki buduć abaviazany pradastaŭlać najmalniku dakumienty, jakija paćviardžajuć prachodžańnie imi dyspansieryzacyi.
Hibkija padychody pry vykarystańni prava na apłatny svabodny dzień u tydzień
U Pracoŭnym kodeksie takija bolš hibkija padychody prymianiajucca ŭ adnosinach da baćkoŭ, jakija vychoŭvajuć traich i bolš dziaciej va ŭzroście da 16 hadoŭ albo dzicia-invalida va ŭzroście da 18 hadoŭ.
Navacyja ŭ tym, što ciapier praduhledžvajecca mahčymaść pa zajavie rabotnika i pa ŭzhadnieńni z najmalnikam zamiest adnaho svabodnaha dnia ŭ tydzień ustanaŭlivać rabotniku skaročanuju praciahłaść raboty (źmieny) na adnu hadzinu z zachavańniem zarabotnaj płaty.
Pašyreńnie pravoŭ u častcy kampiensacyj pa ŭmovach pracy
Ustanaŭlivajecca prava rabotnika, zaniataha na rabotach sa škodnymi i (abo) niebiaśpiečnymi ŭmovami pracy, pa jaho zajavie atrymlivać zamiest małaka abo raŭnacennych charčovych praduktaŭ hrašovuju kampiensacyju.
«Źmianieńni ŭ PK raspracavany mižviedamasnaj rabočaj hrupaj. Razam z orhanami dziaržaŭnaha kiravańnia aktyŭny ŭdzieł u rabocie pa padrychtoŭcy zakonaprajekta prymali pradstaŭniki prafsajuzaŭ i abjadnańniaŭ najmalnikaŭ», — padkreśliŭ Ihar Staravojtaŭ
