Łatuška: My hatovyja vieści pieramovy, ale tolki pa adnym pytańni
Pavieł Łatuška vykazaŭsia ab prapanovie Pucina da ŭładaŭ Biełarusi pačać pieramovy z apazicyjaj.
«Kali prezident Rasii Uładzimir Pucin hatovy vystupić harantam vykanańnia patrabavańniaŭ biełaruskaha naroda ab biezumoŭnym i nieadkładnym vyzvaleńni ŭsich biez vyklučeńnia palityčnych źniavolenych u Biełarusi i spynieńni masavych represij, my hatovyja vieści pieramovy. Ale tolki pa adnym pytańni — ab tranzicie ŭłady i praviadzieńni daterminovych vybaraŭ prezidenta ŭ Biełarusi biez udziełu Łukašenki. U hetym my salidarnyja sa Śviatłanaj Cichanoŭskaj, jakaja nastojvaje na vykanańni narodnych patrabavańniaŭ — na hetym hruntujecca ahulnaja pazicyja demakratyčnych sił.
Najbližejšaja mahčymaść zrabić heta — mižnarodnaja kanfierencyja pa Biełarusi ŭ Vienie, kudy varta nakiravać vysokapastaŭlenaha pradstaŭnika Rasii, što razam ź dziaržavami-členami ES moža vystupić harantam papiarednich umoŭ, jakija zabiaśpiečvajuć tranzit ułady ŭ Biełarusi», — ličyć palityk.
