U lesie kala polska-biełaruskaj miažy pamierła adnahadovaje dzicia mihrantaŭ
Ratavalniki Polskaha centra mižnarodnaj dapamohi paviedamili siońnia, što ŭnačy jany dapamahli trom ludziam i ad ich daviedalisia ab śmierci dziciaci.
«Paśla 2:26 [nočy] my atrymali paviedamleńnie ab tym, što jak minimum adzin čałaviek, jaki ciapier znachodzicca ŭ lesie, maje patrebu ŭ miedycynskaj dapamozie. Na miescy vyśvietliłasia, što try čałavieki atrymali ranieńni. Jany znachodzilisia ŭ lesie 1,5 miesiaca!» — napisali ratavalniki ŭ tvitary.
Pavodle ratavalnikaŭ, u maładoha čałavieka ŭźnikli mocnyja boli ŭ žyvacie. Jon byŭ hałodny i abiazvodžany. Akramia jaho, u dapamozie mieła patrebu siryjskaja para. U mužčyny była irvanaja rana na ruce, a ŭ žančyny — nažavoje ranieńnie halonki. Pavodle ich słovaŭ, «ich adnahadovaje dzicia pamierła ŭ lesie».
