Makiej abmierkavaŭ z Barelem mihrancki kryzis
Telefonnaja razmova ministra zamiežnych spraŭ Uładzimira Makieja z vysokim pradstaŭnikom ES pa zamiežnych spravach i palitycy biaśpieki Žaziepam Barelem adbyłasia siońnia, 14 listapada.
«Ź biełaruskaha boku paćvierdžanaja pryncypovaja hatoŭnaść da raŭnapraŭnaha i ŭzajemapavažlivaha dyjałohu ź ES. Padkreślena bieśpierśpiektyŭnaść sankcyj i kontrpraduktyŭnaść sankcyjnych padychodaŭ dla raźvićcia adnosin pa linii Biełaruś — ES. Abmierkavana składanaja mihracyjnaja situacyja na miažy Biełarusi i ES.
Makiej davioŭ da surazmoŭcy infarmacyju ab zroblenych Biełaruśsiu krokach pa skaračeńni patoku mihrantaŭ z krain Azii, Afryki i Blizkaha Uschodu, akazańni humanitarnaj dapamohi biežancam na miažy, uzajemadziejańni pa hetym pytańni z adpaviednymi mižnarodnymi arhanizacyjami sistemy AAN. Paćvierdžana zacikaŭlenaść u bolš chutkim urehulavańni mihracyjnaha kryzisu», — havorycca ŭ paviedamleńni MZS.