Maryja Kaleśnikava amal vosiem miesiacaŭ znachodzicca ŭ adzinočnaj kamiery
11 listapada baćka Maryi Kaleśnikavaj, asudžanaj na 11 hadoŭ źniavoleńnia, pabačyŭsia ź joj u SIZA. Heta ich treciaje «spatkańnie».
«Maša vielmi dobra vyhladaje, — raskazaŭ Alaksandr Paŭłavič štabu Viktara Babaryki. — Strojnaja, praciahvaje rabić fizičnyja praktykavańni i stała praktykavać johu. Maša kaža, što heta joj nadaje dadatkovyja siły i ŭpeŭnienaść. Maryja ŭžo amal vosiem miesiacaŭ znachodzicca ŭ kamiery adna. Jana ad hetaha, skažam tak, nie ŭ zachapleńni, i budzie nastojvać, kab hetaje stanovišča źmianić».
«Maša rasceńvaje hetuju situacyju nie tolki jak cisk, ale i parušeńnie jaje pravoŭ. Zhodna navat z našymi zakonami, adzinočnaje zaklučeńnie źjaŭlajecca pakarańniem. Joj vielmi nie chapaje kamunikacyi. Vy nie ŭjaŭlajecie, ź jakoj radaściu jana słuchaje ad mianie naviny ad rodnych, blizkich, siabroŭ» — kaža Alaksandr Kaleśnikaŭ.
