Siryjskaja avijakampanija Cham Wings Airlines admianiła ŭsie rejsy ŭ Minsk
Praź mihracyjny kryzis na polska-biełaruskaj miažy siryjskaja avijakampanija Cham Wings Airlines admianiła ŭsie rejsy ŭ Minsk.
«Praz krytyčnuju situacyju na miažy Biełarusi i Polščy, prymajučy pad uvahu, što bolšaść pasažyraŭ Cham Wings, jakija nakiroŭvajucca ŭ Miensk, źjaŭlajucca siryjcami, i ciažka identyfikavać pasažyraŭ, jakija nakiroŭvajucca ŭ Biełaruś u jakaści kančatkovaha punkta pryznačeńnia, i imihrantaŭ, paloty nieadkładna prypyniajucca», — skazana ŭ zajavie avijakampanii.
Učora byli paviedamleńni, što Irakskija avijalinii spyniajuć paloty ŭ Miensk. Biełavija zajaviła, što nie budzie prymać na svaje rejsy hramadzianaŭ Iraku, Siryi i Jemiena, jakija vylatajuć z Turcyi. Takoje rašeńnie pryniała i Turkish Airlines.
Biełaruskija hanarovyja dypłamatyčnyja misii ŭ Bahdadzie i ŭ rehijanalnaj stalicy Kurdystanu Erbile, jakija vydavali irakcam turystyčnyja vizy, byli «časova zakrytyja».
«Voś u mianie jość zvarotny kvitok». Adkul i jak mihranty laciać u Minsk
