Pamiežnaja achova Łatvii hatova vykarystoŭvać śpiecsrodki dla strymlivańnia mihrantaŭ
Dziaržaŭnaja pamiežnaja achova Łatvii dla strymlivańnia mihrantaŭ na miažy ź Biełaruśsiu ŭ vypadku nieabchodnaści hatovaja vykarystoŭvać srodki dla ŭcichamirvańnia natoŭpu, u tym liku ščyty i inšyja śpiecyjalnyja instrumienty.
Pra heta paviedamiŭ u intervju na łatvijskim telebačańni kiraŭnik pamiežnaj słužby Huncis Pujats, piša Delfi.lv.
Jon nieadnarazova padkreślivaŭ, što ahulnaja hatoŭnaść i zdolnaść łatvijskich słužbaŭ abaranić dziaržaŭnuju miažu dosyć vysokija.
«Łatvijskija słužby hatovyja da vialikaha napłyvu ludziej, i ja spadziajusia, što nie budzie nieabchodnaści praviarać ich maksimalnuju hatoŭnaść. Ale my nastrojenyja nie dapuścić niezakonnaje pierasiačeńnie miažy i adlustravać parušalnikaŭ, jakija prybuduć na miažu Łatvii», — zajaviŭ Pujats.