Pamiatajecie akcyi «Biełarusbanka», što mahli davać sotni pracentaŭ prybytku? Schiemu prykryli
«U adpaviednaści z rašeńniem Naziralnaj rady «Biełarusbank» paviedamlaje ab praviadzieńni 15 listapada 2021 hoda pazačarhovaha ahulnaha schodu akcyjanieraŭ u zavočnaj formie z paradkam dnia: «Ab admienie rašeńniaŭ Ahulnaha schodu akcyjanieraŭ ab pieravodzie (źmianieńni katehoryi/typa) akcyj «Biełarusbank», — takoje paviedamleńnie źjaviłasia na sajcie banka.
Inšymi słovami, 15-ha listapada prapanujecca zakryć schiemu ŭzbahačeńnia top-mieniedžaraŭ banka praz kanviertacyju zvyčajnych akcyj banka ŭ pryvilejavanyja, jakija handlujucca ŭ razy daražej.
My ŭžo ŭ detalach apisvali sens schiemy: «Biełarusbank» pradavaŭ pa 18 kapiejek akcyi, jakija mahli kupić tolki supracoŭniki.
Praz dva hady vałodańnia hetyja akcyi možna było pradać šmatkroć daražej — pa 3,5-5 rubloŭ za štuku, pry ŭmovie pieravodu ich u razrad «pryvilejavanych».
Praces pryniaćcia rašeńnia byŭ nieprazrystym, a asnoŭnymi skupščykami akcyj byli top-mieniedžary banka.