U pačatku nastupnaha tydnia Jeŭropa ŭviadzie novyja sankcyi suprać Biełarusi
Staršynia Jeŭrakamisii Ursuła fon der Lajen paśla sustrečy z Džo Bajdenam u Biełym domie paviedamiła žurnalistam na bryfinhu, što ŭ pačatku nastupnaha tydnia Jeŭropa ŭviadzie novyja sankcyi suprać Biełarusi, datyčycca jany buduć nie tolki fizičnych asob, ale i pradpryjemstvaŭ. ZŠA ŭ svaju čarhu pašyrać sankcyi ŭ dačynieńni da Biełarusi ŭ pačatku śniežnia.
My full press statement after my meeting with @POTUS Biden. https://t.co/qQWr3MpC2f
Rašučyja kroki Jeŭrapiejskaha Sajuza źviazanyja z katastrafičnaj situacyjaj na miažy ź Biełaruśsiu.
«Heta nie pytańnie adnosin pamiž Polščaj, Litvoj i Biełaruśsiu, heta vyklik dla ŭsiaho Jeŭrapiejskaha Sajuza, heta nie mihrancki kryzis. Heta sproba aŭtarytarnaha režymu destabilizavać demakratyčnyja susiednija krainy», — zajaviła jeŭrapiejskaja čynoŭnica.
Taksama jeŭrakamisar raskazała, što ES «razhladaje mahčymaść uviadzieńnia sankcyj suprać avijakampanij, jakija spryjajuć pieramiaščeńniu ludziej praź Minsk i zatym da miažy Biełarusi i ES». Jana taksama paćvierdziła, što ZŠA majuć namier pašyryć sankcyi ŭ dačynieńni da Biełarusi ŭ pačatku śniežnia.
