ZŠA adkryvajuć miežy dla pryščeplenych turystaŭ. Ale «Sputnik V» u pieralik uchvalenych vakcyn nie ŭvachodzić
Z paniadziełka ZŠA adkryvajuć ujezd dla pryjezdžych ź inšych krain, jakija prajšli poŭnuju vakcynacyju ad karanavirusa preparatami, pryznanymi na mižnarodnym uzroŭni. Rasijskaja vakcyna «Sputnik V» u śpis uchvalenych vakcyn pakul nie ŭvachodzić, piša Bi-bi-si.
Getty Images
Suśvietnaja arhanizacyja achovy zdaroŭja pakul aficyjna nie rekamiendavała «Sputnik V» da vykarystańnia, praces jaje siertyfikacyi ŭsio jašče praciahvajecca. Rasijskija palityki raniej nazyvali heta «vakcynavaj dyskryminacyjaj», tłumačačy zatrymki palityčnymi pryčynami. Mižnarodnyja ekśpierty tłumačać ich techničnymi pryčynami, u pryvatnaści tym, što rasijski bok nie zmoh svoječasova pradastavić nieabchodnuju infarmacyju.
Zabarona na naviedvańnie ZŠA zamiežnikami, uviedzienaja jašče administracyjaj Donalda Trampa, praciahvałasia amal dva hady — z sakavika 2020-ha. Hramadzianam Kitaja, dzie pačałosia raspaŭsiudžvańnie karanavirusa, ujezd byŭ zabaronieny jašče raniej.