U Hrodnie pamierła praapieravanaja paśla avaryi łań
Łań, jakaja trapiła pad mašynu na vulicy Słavinskaha ŭ Hrodnie i była praapieravanaja, pamierła, jak paviedamlaje telekanał «Hrodna Plus».
Nahadajem, nadzvyčajnaje zdareńnie adbyłosia 30 kastryčnika. Łań vybiehła na darohu na vuł. Słavinskaha, u vyniku adbyŭsia najezd, paviedamlaje 4-y rehijon.
Paśla avaryi łań časova raźmiaścili ŭ prytułku dla biazdomnych žyvioł «Śpiecaŭtahaspadarka». Žyviolina znachodziłasia pad nahladam vieterynaraŭ. Potym žyviołu vyrašyli pieravieści ŭ Hrodzienski lashas.
Vieterynar ź Lidy Pavieł Žulpa raspavioŭ, što jon byŭ prajezdam u Hrodnie i vyrašyŭ zajechać u «Śpiecaŭtahaspadarku» pahladzieć na łań. Jaje jakraz źbiralisia pieravozić u lashas.
Dla dakładnaha dyjahnazu zrabili renthien i z kalehami pryniali rašeńnie apieravać, pakolki jana była ŭ narkozie dla transparciroŭki.
Apieracyja prachodziła ŭ vieterynarnaj klinicy «Siabry» i doŭžyłasia 3 hadziny.
U apieracyi brali ŭdzieł doktar Hrodzienskaha zaaparku, namieśnik hałoŭnaha vieterynarnaha doktara Hrodna Dźmitryj Hajda, vieterynar ź Lidy Pavieł Žulpa i doktar vieterynarnaj kliniki Andrej Bašura.
