Brytancaŭ navučać pravietryvać dom, kab źnizić ryzyku kavidu. I navat vydatkujuć dziaržpadtrymku
U Vialikabrytanii zapuskajuć miedyjakampaniju, jakaja budzie zaklikać ludziej rehularna pravietryvać dom. Ekśpierty ličać, što heta dapamoža źnizić raspaŭsiud kavidu.
Fota depositphotos.com.
Kampanija prachodzić pry finansavaj padtrymcy ŭrada, piša Guardian.
Brytancam u papularnaj formie tłumačać, jak virusnyja čaścinki mohuć źbiracca ŭ pavietry, kali ŭ pamiaškańni inficyravany čałaviek hutaryć z kimści inšym. Čaścinki zatrymlivajucca ŭ pavietry i mohuć pieradacca inšamu čałavieku.
Kab źnizić raspaŭsiud kavidu takim šlacham, ekśpierty prapanujuć adčyniać vokny ŭ pamiaškańni na 10 chvilin, ale kožnuju hadzinu. Tak varta rabić ŭ situacyi, kali niekalki ludziej hutarać u adnym pamiaškańni.
Brytanski Minzdraŭ prosić ludziej bolš surjozna stavicca da pravietryvańnia, tym bolš što šmat brytancaŭ niedaaceńvajuć jaho važnaść.
Zroblenaja ŭ Anhlii apytanka, u jakoj udzielničali 3 tysiačy čałaviek, pakazvaje, što 64% ź ich nie viedali pra važnaść pravietryvańnia dla baraćby z kavidam. I tolki 29% apytanych anhličan adčyniajuć vokny, kali da ich prychodziać hości.
Ale ž nadychodzić chałodny siezon, kali ludzi pačnuć pravodzić bolš času razam ŭ pamiaškańniach, što adpaviedna pavialičyć ryzyku pieradačy infiekcyj.
Historyja zvyčajnaha cudu. Jak Japonija dabiłasia pośpiechu ŭ baraćbie z kavidam
«Słužbovym asobam pryjdziecca adkazvać i pierad zakonam, i pierad ludźmi» — doktar Mikita Sałaviej pra admienu masačnaha režymu
