Prakuror patrabuje pakarać administratara telehram-kanała «Biełyja chałaty» čatyrma hadami kałonii
Siońnia adbylisia sudovyja sprečki na pracesie nad 21-hadovym studentam 4-ha kursa Biełaruskaha dziaržaŭnaha miedycynskaha ŭniviersiteta Uładzisłavam Marcinovičam.
Uładzisłaŭ Marcinovič
Jaho abvinavačvajuć u zaklikach da dziejańniaŭ, nakiravanych na pryčynieńnie škody nacyjanalnaj biaśpiecy Biełarusi šlacham administravańnia telehram-kanała «Biełyja chałaty».
Prakuror Alaksandr Ramanovič zapytaŭ dla studenta pakarańnie ŭ vyhladzie čatyroch hadoŭ kałonii ahulnaha režymu. 10 listapada Uładzisłaŭ vystupić z apošnim słovam.
Palitviazień Uładzisłaŭ Marcinovič znachodzicca ŭ SIZA-1 užo amal hod. Sud nad im pačaŭsia 15 lipienia. Była pryznačanaja psichołaha-linhvistyčnaja ekśpiertyza publikacyj tielehram-kanała «Biełyja chałaty», jakaja doŭžyłasia bolš za try miesiacy. Ciapier praces adnaviŭsia.
