Ułady Uźbiekistana na paru hadzin abmiežavali dostup da sacsietak, pakul nie ŭmiašaŭsia prezident Mirzijojeŭ
Dziaržaŭnaja inśpiekcyja pa kantroli ŭ śfiery infarmatyzacyi i telekamunikacyj Uźbiekistana zajaviła, što sacsietki parušyli praviły apracoŭki piersanalnych źviestak, admoviŭšysia zachoŭvać ich unutry krainy, a taksama ihnarujučy zapyty ŭładaŭ.
Siońnia byli zabłakavanyja Facebook, Telegram, «Adnakłaśniki», Instagram i YouTube. Praŭda, abmiežavańnie ŭ pracy papularnych sacsietak nazirałasia tolki niekalki hadzin.
Praź niekalki hadzin pres-słužba prezidenta Šaŭkata Mirzijojeva paviedamiła, što jon «prainfarmavany ab adnabakovych, nie pradumanych da kanca dziejańniach «Uzkomnazorat», pryniatych pa ŭkazańni ŭrada». U vyniku čaho rašeńnie pra błakiroŭku było admieniena, a kiraŭnik Dziaržaŭnaja inśpiekcyja pa kantroli ŭ śfiery infarmatyzacyi i telekamunikacyj Halibšer Zijajeŭ byŭ zvolnieny z pasady.
