Daŭhi biełarusaŭ pa kredytach pieravysili 16,1 miljarda rubloŭ — heta rekord
Zapazyčanaść fizičnych asob pa kredytach na 1 kastryčnika skłała 16 miljardaŭ 133,3 miljona rubloŭ.
Pra heta paviedamlaje Nacbank u svaim Statystyčnym biuleteni.
U ahulnaj sumie ŭličvajucca spažyvieckija kredyty, kredyty na nieruchomaść, na aŭtamabili, karty rasterminoŭki.
U paraŭnańni z pačatkam hoda ahulny abjom zapazyčanaści pa kredytach fizičnych asob vyras na 90,6 miljona rubloŭ. Za žnivień hety pakazčyk pavialičyŭsia na 340,2 miljona rubloŭ, a za lipień — na 145,9 miljona rubloŭ.
A voś daŭhi pa spažyvieckich kredytach znoŭ pačali padać.
Na 1 kastryčnika jany skłali 5 miljardaŭ 237 miljonaŭ rubloŭ. Hetaja suma na 12,4 miljona mienš, čym miesiacam raniej. Nahadajem, u žniŭni zapazyčanaść pa spažyvieckich kredytach vyrasła ŭpieršyniu ź vieraśnia 2020 hoda — na 40,1 miljona rubloŭ.
