U Homieli siońnia było zatrymana jak minimum 12 čałaviek
Heta Aleh Bondaraŭ, Artur Karatkievič, Alaksandr Cyhankoŭ, Andrej Samusieŭ, Aleś Sivakoŭ, Vieranika Kucharava, Hanna Michno, Alaksiej Vałatoŭski, Andrej Ślesarenka, Jaŭhien Parchomienka, Valancin Bielenka i Michaił Hałaj. Na praŭładnych telehram-kanałach źjavilisia «pakajalnyja videa» ź niekatorymi z zatrymanych.
Siońnia rankam u Homieli supracoŭniki milicyi praviali pieratrus na kvatery Aleha Bondarava. Pryjšli a 6-j hadzinie ranicy. A 10-j hadzinie pasadzili ŭ aŭto i paviezli z saboj. Šukali cciahi. Viadoma, što Aleh udzielničaŭ u naziranni na vybarach u 2020 hodzie, paviedamlajuć homielskija vałanciory.
Taksama ranicaj zatrymali jašče adnaho žychara Homiela — Artura Karatkieviča.
U Homieli zatrymanyja Alaksandr Cyhankoŭ, Andrej Samusieŭ, Aleś Sivakoŭ, Vieranika Kucharava, Hanna Michno. Pakajalnyja videa ź imi źjaviłasia na kanale HUBAZiK.
«Takim čynam, HUBAZ abjaŭlaje pakajanny paniadziełak! Zmahary siońnia zrobiać pałomnictva da viernych pravaachoŭnikaŭ z metaj vypraŭleńnia svajho šałaputnaha žyćcia. Voś hety mužynka byŭ padpisany na ŭsiakuju jeraś, za što i prosić prabačeńnia», — pišuć jany na svaim kanale.
U Homieli rankam adbyŭsia pieratrus u kvatery 20-hadovaha Alaksieja Vałatoŭskaha, dzie jon pražyvaje z maci i bratam-školnikam. U pastanovie na pieratrus paznačana, što jon adbyvajecca ŭ miežach rasśledavańnia kryminalnaj spravy pa art. «Ekstremizm». Supracoŭniki HUBAZiK kanfiskavali noŭtbuk i telefon Alaksieja. Paviedamili, što jaho viazuć u AUS Centralnaha rajona.
Paviedamlajecca pra jašče adnaho zatrymanaha hamielčuka. Heta Andrej Ślesarenka.
U Homieli zatrymany jašče adzin padpisant t. zv. «ekstremisckich TH-kanałaŭ» 34-hadovy Jaŭhien Parchomienka.
U Brahinskim rajonie na Homielščynie supracoŭnikami milicyi zatrymany Valancin Bielenka.
Zatrymali piensijaniera z Homiela Michaiła Hałaja za padpisku na t. zv. «destruktyŭnyja TH-kanały». U mužčyny adbyŭsia pieratrus, padčas jakoha vyniali rečy z bčb-simvałami.