Parłamient Tatarstana vystupiŭ suprać zakonaprajekta ab pierajmienavańni pasady prezidenta Respubliki
Dziaržaŭny saviet (parłamient) Tatarstana admoviŭsia padtrymać zakonaprajekt, jaki praduhledžvaje pierajmienavańnie pasady prezidenta ŭ Respublicy.
business-gazeta.ru
Dakumient unieśli ŭ Dziarždumu ŭ kancy vieraśnia. Jon prapanuje ŭstalavać ahulnaje dla ŭsich rehijonaŭ Rasii najmieńnie vyšejšaj słužbovaj asoby — kiraŭnik subjekta RF.
U Dziaržsaviecie Tatarstana ličać, što normy zakonaprajekta «supiarečać asnovam kanstytucyjnaha ładu RF jak demakratyčnaj fiederatyŭnaj pravavoj dziaržavy».
Rašeńnie nie padtrymlivać dakumient było pryniata adnahałosna.
Kiraŭnik kamiteta Dziaržsavieta pa dziaržbudaŭnictvie i miascovym samakiravańni Albiert Chabibulin prapanavaŭ deputatam Dziarždumy ad Tatarstana padtrymać pazicyju parłamienta respubliki, a paśla pieršaha čytańnia zakonaprajekta znoŭ jaho abmierkavać, piša meduza.io.
Tatarstan zastajecca adzinym rehijonam Rasii, kiraŭnik jakoha nazyvajecca prezidentam. U astatnich respublikach vykarystoŭvajecca słova «kiraŭnik» («hłava»).
