Biełaruskija vajskoŭcy stali dastaŭlać miedycynski kisłarod u balnicy
Biełaruskija vajskoŭcy dastaŭlajuć kisłarod z avijacyjnych baz vajenna-pavietranych sił i vojskaŭ supraćpavietranaj abarony, dzie jość adpaviednaje abstalavańnie. Pry nieabchodnaści dadatkovyja krynicy dapamohuć zabiaśpiečyć bieśpierabojnuju pracu balnic, paviedamlaje STB.
STB
Načalnik techničnaha raźliku hazazabieśpiačeńnia avijacyjnaj bazy VPS i vojskaŭ SPA Uładzimir Łazoŭski kaža:
«Za adnu pracoŭnuju kampaniju my zdabyvajem kala 25 tysiač litraŭ vadkaha kisłarodu. Praces nasamreč davoli pracajomki, ciažki za košt taho, što ŭ atmaśfiernym pavietry ŭtrymańnie kisłarodu vielmi maleńkaje, a tempieratura jaho kipieńnia pavinna być — 183°C. Zadziejničana vielmi šmat abstalavańnia. My zdabyvajem vyklučna miedycynski kisłarod, to-bok heta vysokaja pracentnaje ŭtrymańnie (nie nižej za 99,5%, zhodna sa standartam). A jość techničny kisłarod — tam užo zusim inšy pracent jaho ŭtrymańnia, adpaviedna, mienšy. Dla dychańnia ŭ nas tolki idzie miedycynski kisłarod z čyścinioj nie mienšaj za 99,5%».
