Z nastupnaha hoda ŭ Biełarusi płanujuć vakcynavać ad kavidu padletkaŭ 12-17 hadoŭ
Pavodle słoŭ namieśnika ministra achovy zdaroŭja, rašeńnie pryniata z ulikam prahnozaŭ raspaŭsiudžvańnia infiekcyi. Tamu pry najaŭnaści vakcyny pryščaplać buduć padletkaŭ 12-17 hadoŭ.
Pra heta paviedamiŭ namieśnik ministra achovy zdaroŭja — hałoŭny sanitarny doktar Alaksandr Tarasienka na Biełaruś-1, piša BiełTA.
«Pakul z 18-ci hadoŭ (pryščaplajuć), ale na nastupny hod my ŭžo zapłanavali z ulikam pierśpiektyvy pastaŭki vakcyny dla dziaciej starejšych za 12 hadoŭ. To-bok dziaciej ad 12 da 17 hadoŭ my taksama płanujem u nastupnym hodzie vakcynavać pry pastupleńni vakcyny», — skazaŭ Alaksandr Tarasienka.
Pavodle słoŭ namieśnika ministra, takoje rašeńnie pryniata z ulikam prahnozaŭ raspaŭsiudžvańnia infiekcyi. «Jość razumieńnie, što my, chutčej za ŭsio, budziem z hetaj infiekcyjaj žyć nie tolki ŭ najbližejšyja dva hady, ale, moža być, zaŭsiody, jak z hrypam, Ministerstva achovy zdaroŭja ŭ nacyjanalny kalandar pryščepak ŭniesła vakcynacyju suprać COVID-19 pa epidpakazach, to-bok na pieryjad epidemijałahičnaj prablemy», — adznačyŭ jon.
