Lego vypuściła kanstruktar — dakładnuju kopiju asabniaka ź filma «Adzin doma»
Kampanija Lego vypuściła kanstruktar, jaki źjaŭlajecca dakładnaj kopijaj doma siamji Makalisteraŭ ź filma «Adzin doma» 1990 hoda, paviedamlaje CNN. Kaladnaja kamiedyja raskazvaje pra 8-hadovaha Kievina, jakoha baćki zabylisia ŭziać z saboj u padarožža. Zastaŭšysia adzin, chłopčyk vymušany abaraniacca ad rabaŭnikoŭ i robić dla ich roznyja pastki.
Nabor składajecca z 3 955 detalaŭ i abydziecca ŭ $250. Dyzajn kanstruktara raspracavaŭ ukrainski prychilnik filma — 28-hadovy Aleks Staražuk. U kampanii adznačajuć, što heta samy vialiki nabor z usich, kali-niebudź stvoranych fanatami ŭ ramkach prajekta Lego Ideas, jaki dazvalaje karystalnikam prydumlać madeli samastojna. Uvasobić ideju ŭ žyćcio dapamahła dyzajnier Lego Antyka Brakanava.
«Ažyŭlać prajekt Aleksa było sapraŭdnaj zabavaj. Jon pradumaŭ kožny aśpiekt, ad płaniroŭki pakojaŭ da vykarystańnia koleru i, viadoma ž, detalaŭ ź filma, kab zrabić dom imhnienna paznavalnym», — padkreślivaje dyzajnierka prajekta.
Kanstruktar pastupić u prodaž 1 listapada.