Pamior ad karanavirusa viadomy rečycki aktyvist Aleh Šabietnik
U Rečycy pamior ad karanavirusa viadomy hramadski i palityčny aktyvist, pradprymalnik Aleh Šabietnik. Apošnija dva dni 55-hadovy mužčyna pravioŭ u reanimacyi i 21 kastryčnika pamior.
Pra heta Reform.by paviedamili jaho siabry.
Šabietnik byŭ kiraŭnikom Homielskaha abłasnoha adździaleńnia hramadskaj arhanizacyi «Havary praŭdu» (niadaŭna likvidavanaj), taksama byŭ siabram Biełaruskaj sacyjał-demakratyčnaj partyi. Jon udzielničaŭ u vybarach u jakaści kandydata ŭ deputaty, byŭ davieranaj asobaj kandydataŭ ad «Havary praŭdu» na prezidenckich vybarach. Taksama Šabietnik zajmaŭsia dabračynnaściu.
Miesiac tamu ŭ aktyvista pravodzili pieratrus na padstavie naniasieńnia nadpisu na prypynku ŭ jaho rajonie. Za hady dziejnaści jaho nie raz zatrymlivali, sprabavali zavieści suprać jaho kryminalnyja spravy.