ES hatovy ŭvieści sankcyi suprać «Biełavija»
Jeŭrasajuz hatovy ŭvieści sankcyi suprać avijakampanii «Biełavija» z-za situacyi ź mihrantami na miažy Biełarusi i ES, zajaviŭ viarchoŭny pradstaŭnik Jeŭrasajuza pa źniešniaj palitycy i palitycy biaśpieki Žazep Barel siońnia na pres-kanfierencyi pa vynikach sustrečy ministraŭ zamiežnych spraŭ ES u Luksiemburhu.
Pa słovach Barela, značnuju častku času kiraŭniki MZS pryśviacili abmierkavańniu mihracyjnaha kryzisu. Jon adznačyŭ, što ES znachodzicca ŭ ciesnym kantakcie z uładami Iraka i inšych krain, adkul mihrantaŭ «pryvoziać u Minsk, a zatym dastaŭlajuć da miažy ź ES».
Jon ličyć, što hetych ludziej «padmanvajuć, dajučy im iłžyvuju nadzieju, što praź Biełaruś jany zmohuć trapić u Jeŭropu», a zatym jany apynajucca ŭ pastcy, zamknionyja na miažy Biełarusi ź Litvoj, Łatvijaj i Polščaj.
Barel zajaviŭ, što «Biełavija», jak i niekatoryja inšyja avijakampanii, udzielničaje ŭ dastaŭcy mihrantaŭ. «My hatovyja ŭvieści sankcyi suprać «Biełavija» i pierakanać inšych, što toje, što jany robiać, źjaŭlajecca kantrabandaj ludziej», — skazaŭ viarchoŭny pradstaŭnik ES.