Minčuka aryštavali pierad pačatkam chakiejnaha matča za vokładku pašparta z «Pahoniaj»
23-hadovy Uładzisłaŭ Fiodaraŭ 14 kastryčnika pryjšoŭ u «Minsk-Arenu» na chakiejny matč «Dynama-Minsk» — «Spartak». Padčas ahladu rečaŭ u chłopca znajšli pašpart z vokładkaj, na jakoj byŭ namalovany hierb Pahonia. Fiodarava adrazu zatrymali supracoŭniki milicyi i advieźli ŭ Centralnaje RUUS. Zhodna z pratakołam, mienavita na terytoryi RUUSa chłopiec «akazaŭ niepadparadkavańnie supracoŭnikam milicyi», za što na jaho skłali pratakoł pa art. 24.3 KaAP, paviedamlajuć pravaabaroncy.
Siońnia spravu Uładzisłava razhladzieła sudździa Centralnaha rajona Viktoryja Šabunia. Vinu svaju Fiodaraŭ pryznaŭ, ale śćviardžaje, što niepadparadkavańnie nie akazvaŭ. Milicyjant na sudzie raspavioŭ, što Fiodarava zatrymali pa padazreńni va ŭdziele ŭ niesankcyjanavanych masavych mierapryjemstvach. Vynik — 15 sutak.
Heta ŭžo nie pieršaje zatrymańnie paśla ahladu rečaŭ pierad pačatkam chakiejnaha matča. U vieraśni na sutki adpravili 20-hadovaha studenta BNTU Maksima Łyčkoŭskaha, jakoha zatrymali pry takich ža abstavinach.