Sadovyja statui akazalisia staražytnymi jehipieckimi kaštoŭnaściami
Dźvie statui, što ličylisia zvyčajnymi sadovymi ŭpryhažeńniami, byli pradadzienyja na brytanskim aŭkcyjonie bolš čym za 265 tysiač dalaraŭ. Akazałasia, što nasamreč statui vyrabili ŭ staražytnym Jehipcie i ich uzrost naličvaje tysiačy hadoŭ.
Fota Mander Auctions
Aŭkcyjonny dom Mander Auctioneers, što zajmaŭsia prodažam relikvij, raspavioŭ historyju niezvyčajnaha łota. Zhodna ź im, da aŭkcyjanistaŭ źviarnułasia siamja z haradka Sadbery va ŭschodniaj Anhlii. Jany chacieli pazbavicca ad abstalavańnia sa svajho doma pierad pierajezdam u inšy dom, piša CNN.
Haspadary statuj kupili ich na inšym aŭkcyjonie 15 hadoŭ tamu za niekalki socień funtaŭ sterlinhaŭ. Jany ličyli, što statui — vyrablenyja ŭ XVIII stahodździ kopii abjektaŭ staražytnaha Jehipta.
Aŭkcyjanisty nie zadavali haspadaram statuj dadatkovych pytańniaŭ i prosta vystavili ich na prodaž, za statui jany čakali atrymać ad 300 da 500 funtaŭ (410-680 dalaraŭ). Pieršaja atrymanaja staŭka na aŭkcyjonie skłała 200 funtaŭ, ale potym pamier stavak niečakana pačaŭ rezka raści. Usiaho za 15 chvilin kančatkovy košt vyras da 195 tysiač funtaŭ (265 510 dalaraŭ), u dadatak pakupnik pavinny vypłacić jašče 24% koštu.
U vyniku aŭkcyjonu statui dastalisia mižnarodnaj mastackaj halerei. Ciapier ekśpierty ličać, što heta sapraŭdnyja staražytnajehipieckija statui. Da skančeńnia ekśpiertyzy ciažka skazać, jaki dakładna ich uzrost.
Jak ža statui trapili ŭ Brytaniju? Mahčyma, heta źviazana z tradycyjaj XVII-XVIII stahodździa pad nazvaj Hran-tur, kali zamožnyja anhličanie padarožničali pa Jeŭropie i pryvozili adtul kaštoŭnyja pradmiety. Napeŭna, statui byli pryviezienyja ŭ Brytaniju jakraz padčas adnaho z takich padarožžaŭ.
Izrailskija archieołahi znajšli staražytnuju prybiralniu, jakoj 2700 hadoŭ FOTA
