Małdova paprasiła ES ekstranna dapamahčy z pastaŭkami hazu z-za vysokich cen na rasijskaje paliva
Pavodle źviestak Financial Times, Małdova nie choča zhadžacca na novyja ŭmovy «Hazprama» i prosić Jeŭrasajuz pačać pastaŭki praz Rumyniju.
FT adznačaje, što pastaŭki ŭ Małdovu z Rasii źnizilisia prykładna na tracinu. Pry hetym u vieraśni košt za tysiaču kubamietraŭ składaŭ 550 dalaraŭ, a ŭ kastryčniku ŭžo 790 dalaraŭ — amal u piać razoŭ bolš, čym Kišynioŭ płaciŭ letaś. Biełaruś płacić, naprykład, 128,5 dalaraŭ.
Vice-premjer krainy Andrej Śpinu nazvaŭ takija košty «nieapraŭdanymi i nierealistyčnymi». Jon adznačyŭ, što kraina viadzie pieramovy z «Hazpramam» ab novym kantrakcie, ale taksama vyvučaje «alternatyŭnyja šlachi pastavak hazu», paviedamlaje telekanał Dožd́.
Jeŭrasajuz vosieńniu hetaha hoda sutyknuŭsia z rekordnymi cenami na haz z-za nizkaj zapoŭnienaści schoviščaŭ i niedastatkovymi pastaŭkami z Rasii. U «Hazpramie» ŭ pačatku kastryčnika zajavili, što mohuć razhledzieć pavieličeńnie pastavak da kanca miesiaca, kali kampanija zapoŭnić schoviščy ŭ Rasii.
