U Tatarstanie raźbiŭsia samalot z parašutystami. Zahinuli 16 z 22 čałaviek na borcie
U Tatarstanie ŭ rajonie horada Mienzielinsk raźbiŭsia lohki samalot L-410, jaki naležaŭ miascovamu aerakłubu. Pa ŭdakładnienych danych, na borcie byli 22 čałavieki: 20 parašutystaŭ i dva členy ekipaža. 16 ź ich zahinuli, jašče šaściora špitalizavanyja ŭ ciažkim stanie.
Samalot upaŭ adrazu paśla ŭźlotu z aeradroma. L-410 pralacieŭ krychu bolš za kiłamietr pierad padzieńniem. Samalot lacieŭ nizka nad drevami, jaho nos byŭ zadrany. Zatym pavietranaje sudna stała razvaročvacca, jašče macniej źniziłasia i ŭ vyniku ŭpała.
Na vyšyni 70 mietraŭ piłoty dałažyli ab admovie adnaho z ruchavikoŭ i zaprasili ekstrannuju pasadku. 11 kastryčnika ŭ Tatarstanie abvieščany dniom žałoby pa zahinułych u katastrofie.
Siarod viersij krušeńnia samalota razhladajucca techničnaja niaspraŭnaść, pamyłka ekipaža i pierahruz.
