U Połacku źnik kamień z historyjaj. Heta było znakavaje miesca dla biełaruskich piśmieńnikaŭ i paetaŭ
Piśmieńnik Aleś Arkuš paviedamiŭ, što ŭ Połacku źnik kamień «Tavarystva volnych litarataraŭ» (TVŁ). Jon šmat hadoŭ lažaŭ kala Pałaty. Heta było znakavaje miesca dla biełaruskich litarataraŭ, piša gorod214.by.
— U 2003 hodzie, na 20-hodździe TVŁ, na hetym kamieni vybili emblemu TVŁ. Hublajucca ŭ zahadkach, kamu kamień spatrebiŭsia. Jasnaja, što jaho vyvozili z dapamohaj technałohii — napisaŭ Aleś Arkuš u fejsbuku.
Historyki i krajaznaŭcy kažuć, što kamień ličyŭsia adnoj z słavutaściaŭ Połacka, ale nie byŭ pryznany histaryčnaj kaštoŭnaściu.
U rajvykankamie paviedamili, što kamunalnikam kamień nie moh spatrebicca ni dla jakich patreb. A pakolki terytoryja, dzie jon znachodziŭsia, achoŭnaja, to ludzi, jakija zabrali kamień, parušyli zakon.
U milicyi kažuć, što praviaduć pravierku.
