Cana hazu ŭ Jeŭropie za dzień ustanaviła rekord, a potym abvaliłasia na $600
Biržavaja cana hazu ŭ Jeŭropie zhubiła rost i ŭpała da $1325 za 1 tys. kub. m paśla taho, jak na praciahu dnia dasiahnuła rekordnych adznak i pieravysiła ŭzrovień u $1950, vynikaje z danych Łondanskaj biržy ICE.
Da 14:34 košt listapadaŭskich fjučarsaŭ pa indeksie samoha likvidnaha jeŭrapiejskaha chaba TTF u Niderłandach spyniŭsia na ŭzroŭni €118,25 za MVt hadzinu (abo $ 1417 za 1 tys. kub. m pa biahučym kursie).
Da 14:35 padzieńnie praciahnułasia da $1325 za tysiaču kuboŭ. Takim čynam, košt 1 tys. kub. m hazu akazaŭsia nižejšym, čym padčas adkryćcia tarhoŭ ($1510 za tys. kub. m pa stanie na 09:00).
Ceny na haz u Jeŭropie rastuć na praciahu ŭsiaho hoda. Siarod pryčyn — admova «Hazprama» braniravać dadatkovyja mahutnaści dla tranzitu hazu praz Ukrainu napiaredadni zapusku «Paŭnočnaha patoku — 2».
Zapasy hazu ŭ padziemnych schoviščach Jeŭropy zastajucca nižejšymi za letašnija paśla chałodnaj zimy.
Ekśpiert: Biełaruś atrymlivaje padvojnuju vyhadu ad vysokich cenaŭ na haz u Jeŭropie
Cana na haz u Jeŭropie bje rekordy. Što adbyvajecca?
Napružanaść pamiž Hiermanijaj i ZŠA i «hieapalityčnaja zbroja». Za što krytykujuć trubapravod «Paŭnočny patok — 2»?
