Ekśpiert: Biełaruś atrymlivaje padvojnuju vyhadu ad vysokich cenaŭ na haz u Jeŭropie
Takoje mierkavańnie ŭ kamientary Office Life vykazaŭ viadučy analityk Fondu nacyjanalnaj enierhietyčnaj biaśpieki Ihar Juškoŭ.
Ekśpiert nahadaŭ, što «Hazpram» pradaje Biełarusi haz pa $128 za tysiaču kubamietraŭ, i navat z ulikam taho, što kančatkovym spažyŭcam jon abychodzicca krychu daražej, heta ŭ šmat razoŭ mienš za toje, kolki kaštuje haz na jeŭrapiejskim spotavym rynku.
Pakolki ceny na haz u Jeŭropie vyšejšyja, to syravina dla miascovych vytvorcaŭ uhnajeńniaŭ stanovicca daražejšaj. Mnohija ź ich ciapier naohuł prypynili vytvorčaści. Tamu dla biełaruskich pradpryjemstvaŭ vyzvalajecca dola na rynku».
U vyniku źnižajecca kankurencyja dla biełaruskich pradpryjemstvaŭ, jakija vypuskajuć uhnajeńni i inšuju chimičnuju pradukcyju. Da taho ž jany sami stanoviacca bolš kankurentazdolnymi, padkreślivaje Juškoŭ. U hetym — padvojnaja vyhada. I toje, što Biełaruś maje fiksavanuju canu na haz, značna lepš, čym pryviazka da spotavaha rynku, jak raniej chacieli ŭłady krainy.
Na spotavym rynku ceny skačuć. U minułym hodzie z-za karanavirusa nazirałasia ich padzieńnie. Pry hetym siaredniehadavaja cana ad «Hazprama» zastavałasia vyšejšaj za $140 za tysiaču kubamietraŭ. Biełaruś usio hetak ža kuplała haz pa $130. To-bok i ŭ minułym, kryzisnym, hodzie, košt syraviny dla biełaruskich pradpryjemstvaŭ byŭ nižejšy, a ciapier hety razryŭ prosta kałasalny. Ceny pa doŭhaterminovych kantraktach u Jeŭropie taksama vyšejšyja, čym dla Biełarusi», — nahadaŭ analityk.
Juškoŭ nie pahadziŭsia z tym, što, być moža, sankcyi ŭ dačynieńni da biełaruskich pradpryjemstvaŭ nivielirujuć mahčymyja vyhady.
Varta ŭličvać, što tradycyjna spažyvańnie biełaruskich uhnajeńniaŭ adbyvajecca nie ŭ Jeŭropie. Biełaruskija pradpryjemstvy i jeŭrapiejskija vytvorcy ŭhnajeńniaŭ kankuryravali za źniešnija rynki (Paŭdniovaj Amieryki, Azii). Ciapier na rynkach trecich krain kankurencyja dla biełaruskich pradpryjemstvaŭ istotna skaračajecca, bo sabiekošt vytvorčaści ŭ jeŭrapiejcaŭ vyšejšy. Akramia taho, raście cana na samu pradukcyju — kalijnyja i azotnyja ŭhnajeńni».
Juškoŭ miarkuje, što darahi haz u Jeŭropie budzie da kanca aciaplalnaha siezona.
Heta značyć, što jeŭrapiejcam treba budzie padtrymlivać biahučy impart hazu na vysokim uzroŭni. Da sakavika-krasavika cana zachavajecca vysokaj, moža być, nie na ŭzroŭni $900, a kala adznaki $700 za tysiaču kubamietraŭ», — vykazaŭ mierkavańnie jon.
