Žančyna ź Iŭja za miažu nie telefanavała, ale z rachunka śpisałasia 200 rubloŭ
Žycharka Iŭjeŭskaha rajona atrymała SMS-paviedamleńnie ad apieratara sotavaj suviazi, što na jaje rachunku ŭtvaryłasia zapazyčanaść 200 rubloŭ. Kab rastłumačyć situacyju, žančyna źviarnułasia da apieratara i paprasiła zrabić detalizacyju zvankoŭ. Vyśvietliłasia, što z hetaha numara telefanavali za miažu.
sudexpert.gov.by
Adnak, pa słovach žančyny, na zamiežnyja numary jana nie telefanavała. Bolš taho, u žurnale vyklikaŭ jany nie adlustravany. Jana źviarnułasia ŭ milicyju.
Tam pryznačyli sudovuju kampjutarna-techničnuju ekśpiertyzu ŭ Dziaržkamitecie sudovych ekśpiertyz pa Hrodzienskaj vobłaści.
Vyśvietliłasia, u mabilnym telefonie byli škodnasnyja fajły. Sudovy ekśpiert naličyŭ ich bolš za 80. Niekatoryja sa škodnasnych prahram, jakija byli vyjaŭlenyja na mabilnym telefonie, mahli całkam kiravać ustalavanymi dadatkami.
U pryvatnaści, ažyćciaŭlać zvanki bieź viedama ŭładalnika, adpraŭlać paviedamleńni, kiravać bankaŭskimi rachunkami, «pryviazanymi» da telefona i h. d.
Pry jakich abstavinach škodnasnyja prahramy patrapili ŭ pryładu, ciažka vyznačyć. Mahčyma, žančyna ŭstaloŭvała niejkuju prahramu, a jana ŭtrymoŭvała škodnasny kod, abo paciarpiełaja pierajšła pa sumnieŭnaj spasyłcy i tak trapiła na zaražany fajł.