«Całkam adsiedzić termin i zmoža iści kudy zachoča»: ułady Hruzii admovili Saakašvili ŭ pamiłavańni
Premjer-ministr Hruzii Iraklij Harybašvili ŭ intervju telekanału «Imiedzi» zajaviŭ, što były prezident krainy Michaił Saakašvili całkam adsiedzić pryznačany jamu termin pazbaŭleńnia voli, piša TASS.
Georgian Interior Ministry Press Service via AP
«Ja zajaŭlaju z poŭnaj adkaznaściu, što Saakašvili całkam adsiedzić svoj termin… Kali navat pryjedzie da nas luby čałaviek płaniety i paprosić, pazavie vyzvalić jaho, siońnia va ŭradzie hetaha nichto nie zrobić», — padkreśliŭ Harybašvili.
«My havorym pra čałavieka, jaki byŭ prezidentam [Hruzii] na praciahu dzieviaci hadoŭ. Heta katastrofa i źniavaha: čałaviek pa svaim žadańni admoviŭsia ad hramadzianstva našaj krainy. Kali jon choča viarnucca va Ukrainu, jon zmoža heta zrabić paśla taho, jak całkam adsiedzić termin, i zmoža iści kudy zachoča», — skazaŭ Harybašvili.
Jon taksama padziakavaŭ kiraŭniku Hruzii Sałomie Zurabišvili, jakaja raniej admoviłasia pamiłavać Saakašvili.
Harybašvili ŭdakładniŭ, što na terytoryi Hruzii palityk prysudžany da šaści hadoŭ turmy.
Saakašvili zatrymali ŭ Hruzii 1 kastryčnika. Palityk pryjechaŭ u krainu paśla vaśmi hadoŭ emihracyi. Jon viarnuŭsia ŭ Hruziju z Ukrainy, kab udzielničać u pratesnych akcyjach paśla vybaraŭ, jakija adbylisia 2 kastryčnika.
