Polšča praciahnuła režym nadzvyčajnaha stanovišča na biełaruskaj miažy na 60 dzion
Siejm zaćvierdziŭ rašeńnie ŭrada ab padaŭžeńni nadzvyčajnaha stanovišča ŭ pamiežnych ź Biełaruśsiu rehijonach. Za vykazalisia 237 deputataŭ, suprać — 179, ustrymaŭsia 31.
Napiaredadni ŭkaz ab pradaŭžeńni stanovišča z-za kryzisu ź nielehalnymi mihrantami, što sprabujuć trapić u ES, padpisaŭ prezident krainy Andžej Duda.
Upieršyniu režym byŭ uviedzieny 2 vieraśnia na 30 dzion. Nadzvyčajnaje stanovišča dziejničaje ŭ pamiežnaj zonie na šyryni 3 km i zakranaje 183 nasielenyja punkty ŭ Padlaskim i Lublinskim vajavodstvach.
Tam dziejničaje zabarona na praviadzieńnie masavych i zabaŭlalnych mierapryjemstvaŭ, palicyja dziažuryć va ŭzmocnienym režymie. Na nazvanaj terytoryi nie mohuć znachodzicca asoby, jakija tam nie žyvuć, nie pracujuć ci nie vučacca.
