Žycharu Homiela dali try hady kałonii za «hvałt» nad milicyjantam
17 vieraśnia ŭ Homieli vynieśli prysud 46-hadovamu Viktaru Prusavu. Jaho pryznali vinavatym pavodle art. 364 Kryminalnaha kodeksa i asudzili da troch hadoŭ pazbaŭleńnia voli ŭ kałonii ahulnaha režymu.
Viktar Prusaŭ u sudzie
Taksama sudździa abaviazała jaho vypłacić 1500 rubloŭ na karyść paciarpiełamu «Piatrovu»: jahonaja asoba zalehiendavanaja. Taksama Viktar Prusaŭ musić vypłacić dziaržpošlinu pamieram 87 rubloŭ, paviedamlaje «Viasna».
Sud prachodziŭ u zakrytym režymie praz chadajnictva z boku abvinavačańnia, kab harantavać biaśpieku paciarpiełych supracoŭnikaŭ AMAP.
Viktar Prusaŭ padčas zatrymańnia
Viadoma, što Viktara Prusava zatrymali 27 vieraśnia 2020 hoda padčas adnoj z pratesnych akcyj u Homieli, u IČU jamu paviedamili pra zaviadzieńnie kryminalnaj spravy za supraciŭ supracoŭnikam milicyi (art. 363 Kryminalnaha kodeksa). Zatym spravu zakryli, adnak prakuratura viarnuła jaje na daśledavańnie, padčas jakoha epizod pierakvalifikavali pa art. 364 KK. Viktara znoŭ uziali pad vartu 17 červienia 2021 hoda.