Chvoraj na ankałohiju piensijaniercy z Rečycy dali chatniuju chimiju za abrazu milicyjanta
U sudzie Rečyckaha rajona 15 vieraśnia vyniesieny prysud 65-hadovaj piensijaniercy Ludmile Chłusievič. Jaje vinavacili ŭ abrazie supracoŭnika milicyi ź Vilejki Žarykava, paviedamlajuć pravaabaroncy.
Pad adnym z pastoŭ u sacsietkach Chłusievič pakinuła kamientar z adnaho słova: «t****».
Za apošnija paŭhoda piensijanierka z ankałahičnaju chvarobaju (u jaje lejkoz) pieražyła pieratrus, kala 10 dopytaŭ, pravierku ŭ adnoj kryminalnaj spravie i abvinavačvańnie ŭ druhoj.
Kryminalny praces nad Chłusievič pačaŭsia jašče 25 červienia. Ale ŭ suviazi z tym, što Ludmiła Chłusievič padčas śledstva pisała pieradśmiarotnuju zapisku, dzie prasiła ŭ vypadku jaje zaŭčasnaj śmierci vinić va ŭsim dziaržavu, sudździa Kacuba pryznačyła kompleksnuju psichołaha-psichijatryčnuju ekśpiertyzu.
Na pieradapošnim sudovym pasiadžeńni 13 vieraśnia sudździa ahučyła zaklučeńnie ekśpiertaŭ, jakija pryjšli da vysnovy, što padčas napisańnia abraźlivych kamientaroŭ abvinavačanaja nie znachodziłasia ŭ stanie afiektu i asensoŭvała svaje ŭčynki i mahčymyja nastupstvy.
U vyniku sudździa Kacuba pastanaviła: pakarać Chłusievič abmiežavańniem voli na hod i šeść miesiacaŭ biez nakiravańnia va ŭstanovu adkrytaha typu (h.zn. chatniaja chimija)
