Zdaryŭsia masavy zboj mabilnaha dadatku Alfa-Banka
Prykładna z hadziny dnia klijenty Alfa-Banka nie mohuć atrymać dostup u svoj mabilny dadatak InSync. Pry sprobie ŭvajści ŭ dadatak źjaŭlajecca paviedamleńnie pra toje, što adsutničaje padklučeńnie da sietki.
«Siońnia pryjšła zarpłata, a ja nijak nie mahu jaje prahladzieć. Nieviadoma, što adbyvajecca. Užo pracoŭny dzień skončyŭsia, a dadatak nie adkryvajecca», — kaža čytačka.
«Padčas zapusku dadatku mnohija klijenty sutykajucca ź biaskoncym pracesam zahruzki ci pamyłkaj «nie ŭdałosia padklučycca da sierviera». Śpiecyjalisty ŭžo zajmajucca hetaj prablemaj», — havorycca ŭ telehram-kanale Alfa-Banka.
U techničnaj padtrymcy ŭdakładniajuć, što pakul niama dakładnych terminaŭ, kali dadatak zapracuje. Bank raić skarystacca internet-dadatkam «Alfa-Klik».
Adnak, jak pišuć karystalniki foruma Onliner, jość zboi i ŭ pracy internet-dadatku. Kali ŭsio naładzicca, pakul infarmacyi niama.
