«Zadziejničana avijacyja». Ukraina ŭzmacniła achovu miažy ź Biełaruśsiu z-za vučeńniaŭ «Zachad-2021»
Miažu kruhłasutačna patrulujuć narady sa słužbovymi sabakami, viadziecca manitorynh z pastoŭ nazirańnia, zadziejničanaja avijacyja, ale ŭsie punkty propusku pracujuć u zvyčajnym režymie.
Na fota — uračystaje adkryćcio vučeńniaŭ u Breście, mil.by
Ukrainskija pamiežniki ŭzmacnili achovu miažy ź Biełaruśsiu ŭ suviazi z pačatkam rasijska-biełaruskich vajskovych vučeńniaŭ «Zachad-2021», pra heta zajaviŭ u piatnicu deputat ad prezidenckaj frakcyi «Słuha naroda», namieśnik staršyni Kamiteta Viarchoŭnaj rady pa pytańniach pravaachoŭnaj dziejnaści Siarhiej Ijanušas.
«Siońnia ŭ Biełarusi pačalisia vajennyja vučeńni. Na terytoryi krainy ciapier znachodzicca šmat rasijskich vajskoŭcaŭ i bajavoj techniki. U suviazi z hetym pamiežniki ŭzmacnili achovu miažy, u pryvatnaści pryciahnuli śpiecpadraździaleńni. Ciapier situacyja na miažy spakojnaja», — skazaŭ Ijanušas.
Pavodle jaho słoŭ, miažu kruhłasutačna patrulujuć narady sa słužbovymi sabakami, viadziecca manitorynh z pastoŭ nazirańnia, zadziejničana avijacyja, ale ŭsie punkty propusku, jak udakładniŭ parłamientaryj, pracujuć u zvyčajnym režymie.
«My ŭ profilnym kamitecie pastajanna nazirajem za situacyjaj. U Dziaržpamiežsłužbie zapeŭnili, što robiać usio, kab nie dapuścić pravakacyj i niezakonnaha pierasiačeńnia miažy», — dadaŭ deputat.
