U Kitai vydatkujuć 24 młn dalaraŭ, kab pierasunuć hihanckuju statuju, jakaja kaštavała 26 młn dalaraŭ
Ułady kitajskaha horada Czinčžou vydzielili 24 miljony dalaraŭ, kab prybrać 58-mietrovuju bronzavuju statuju lehiendarnaha vojenačalnika Huań Juja. Ab hetym piša vydańnie South China Morning Post.
Fota South China Morning Post
Pomnik pastavili ŭ 2016 hodzie, na jaho patracili kala 26 miljonaŭ dalaraŭ. Adnak manumient nie spadabaŭsia haradžanam: na ich dumku, jon psuje abličča horada. Jany padzialilisia, što pierastali chadzić u rajon, dzie raźmieščana statuja, tolki b nie hladzieć na jaje.
Fota The Times
Da taho ž manumient byŭ pabudavany niezakonna. U tym rajonie Czinčžou, dzie pastavili statuju, zabaroniena ŭzvodzić zbudavańni, vyšejšyja za 78 futaŭ (kala 24 mietraŭ). Adnak zabudoŭščyki znajšli, jak abyści zakon: jany atrymali dazvoł na budaŭnictva pastamienta, a statuju pazicyjanavali jak tvor mastactva, ustanoŭku jakoha nie treba ŭzhadniać.
Ułady pačali raźbirać statuju Huań Juja, fota z tvitara
Urad vyrašyŭ demantavać i pieramiaścić manumient: jaho pierasunuć na 8 km ad raniejšaha miesca, u mienš papularny ŭ turystaŭ i miascovych žycharoŭ rajon.