«Upieršyniu za 8 miesiacaŭ ubačyŭ syna». Homielski pravaabaronca Leanid Sudalenka sustreŭsia ź siamjoj
U kancy žniŭnia Sudalenka damohsia spatkańnia ź siamjoj, ab čym napisaŭ u liście: «Upieršyniu za 8 miesiacaŭ ubačyŭ syna. Dźvie hadziny pa telefonie praz dva škły. Tym nie mienš, pramień śviatła ŭ ciomnym carstvie».
U vieraśni, jak piša ź SIZA-3 pravaabaronca, jamu pieraličać termin u źniavoleńni. Ciapier dzień u SIZA «idzie ŭ zalik» jak paŭtara. Bo Sudalenka ŭ izalatary z 18 studzienia, 8 miesiacaŭ, to ŭ vieraśni jamu «zaličać» hod pad vartaj, paviedamlajuć naviny.online.
Raskazvajučy pra sud nad saboj, jon pracytavaŭ Šekśpira: «Hriechi druhich sudiť vy tak usierdno rviotieś, voźmitieś za svoi — i da čužich nie dobieriotieś». Pra prapanovu napisać «pakajalny list» Sudalenka zaŭvažyŭ: «Ale ja ž nie vinavaty!».
Sud pa spravie suprać palitźniavolenaha pravaabaroncy «Viasny» Leanida Sudalenki i vałanciorak Taćciany Łasicy, Maryi Tarasienka pačaŭsia 3 vieraśnia i prachodzić u zakrytym režymie. Ich vinavaciać u «arhanizacyi i finansavańni dziejańniaŭ, jakija hruba parušajuć hramadski paradak».