Na «Intehrale» zabaroniać karystacca mabilnymi telefonami
Jak stała viadoma «Našaj Nivie», na «Intehrale» praviły ŭnutranaha rasparadku dapoŭniać punktam, pavodle jakoha zabaroniać «karystacca mabilnymi telefonami (smartfonami i płanšetami) u pracoŭny čas dla vyrašeńnia zadač, nie źviazanych z pracoŭnymi abaviazkami rabotnika».
Zahad padpisaŭ hiendyrektar Vital Saładucha
Infarmacyju pra heta pavinny raźmiaścić na prachadnych, a taksama da 24 vieraśnia aznajomić z novaŭviadzieńniem rabočych pad podpis.
Takija ž źmieny adbuducca na zavodach «Elektramodul» (Minsk) i «Ćvietatron» (Brest), jakija ŭvachodziać u chołdynh «Intehrała». Kantrol za vykanańniem zahada ŭskłali na namieśnika hiendyrektara pa ideałohii i piersanału. Rašeńnie ŭzhodnienaje z prafsajuzam.
Heta nie pieršy vypadak, kali na biełaruskich pradpryjemstvach chočuć zabaranić mabilnyja telefony. Na pradpryjemstvie «Hrodna Azot», rabočyja jakoha pratestavali suprać vynikaŭ vybaraŭ i źbićcia mirnych demanstrantaŭ, abmiarkoŭvałasia ideja vydavać supracoŭnikam zamiest smartfonaŭ zvyčajnyja knopačnyja telefony, ź jakich nielha vyjści ŭ internet, zrabić fota i videa.
