Kiraŭnik Minzdaroŭja: Prahnazujecca rost zachvorvańnia na COVID-19
Ministr achovy zdaroŭja Biełarusi Dźmitryj Pinievič zajaviŭ, što ŭ krainie, niahledziačy na prahnazavany ŭzdym zachvorvańnia na karanavirus, nie čakajecca źviazanych z hetym ciažkaściaŭ, paviedamlaje BiełTA.
— Toje, što my ŭvachodzim u siezon uzdymu, pra heta kazali. Usie viarnulisia z adpačynkaŭ, u aŭdytoryi, ludzi załatoha ŭzrostu — z prysiadzibnych učastkaŭ. Sacyjalnaje dystancyjavańnie budzie źmianšacca. Da taho ž ad nadvorja nikudy nie pojdzieš. Miarkujem, što rost budzie, biezumoŭna, ale jakich-niebudź składanych situacyj ja nie baču, — adznačyŭ kiraŭnik Ministerstva achovy zdaroŭja.
Pinievič taksama prakamientavaŭ praces vakcynacyi nasielnictva ad COVID-19. Studenckaj moładzi i navučencam u SSNU, starejšym za 18 hadoŭ, budzie prapanavana pryščapicca preparatam «Sputnik Łajt». Pastupaje taksama vakcyna kitajskaj vytvorčaści.
— Vakcyny dastatkova. Pytańnie tolki ŭ tym, jak my pierakanajem usich, što vakcynavacca treba, — skazaŭ ministr achovy zdaroŭja.