Chakiejnaja zbornaja Biełarusi nie zmahła zavajavać pucioŭki na Alimpijadu-2022
U vyrašalnym matčy biełaruskija chakieisty prajhrali haspadaram kvalifikacyjnaha turniru kamandzie Słavakii ź likam 1:2.
U pieršym matčy biełarusy siensacyjna prajhrali Polščy 0:1, a zatym pieramahli Aŭstryju 5:2.
Kab zavajavać pucioŭku na Zimovyja alimpijskija hulni, siońnia treba było ŭ asnoŭny čas pieramahčy Słavakiju. Padapiečnyja Krejha Vudkrafta pieršymi prapuścili, potym zraŭniali, ale vyrašalnuju šajbu prapuścili ŭ kancy treciaha pieryjadu (1:2).
Słavakija jedzie na Alimpijadu.
Słavakija — 9, Biełaruś — 3, Polšča — 3, Aŭstryja — 3.
Svaje kvalifikacyjnyja turniry vyjhrali zbornyja Łatvii i Danii, jany taksama jeduć na Alimpijadu.
A Biełaruś treci raz zapar pralataje mima Hulniaŭ, apošni raz na Zimovaj Alimpijadzie našy chakieisty hulali ŭ 2010-m.