U Estonii prezidentam krainy moža stać dyrektar Nacyjanalnaha muzieja
U piatnicu 59 siabraŭ Ryjhikohu (parłamienta krainy) vyłučyli dyrektara estonskaha Nacyjanalnaha muzieja Ałara Karysa kandydatam u prezidenty krainy. Pieršy tur hałasavańnia adbudziecca ŭ parłamiencie ŭ paniadziełak, 30 žniŭnia.
Centrysckaja partyja i partyja reformaŭ jašče ŭ niadzielu paćvierdzili, što padtrymajuć kandydaturu Ałara Karysa na pasadu prezidenta Estonii, paviedamlaje err.ee.
U centrystaŭ i refarmistaŭ 59 miescaŭ u Ryjhikohu. Dla abrańnia prezidenta krainy ŭ parłamiencie za kandydata pavinny prahałasavać nie mienš za 68 sa 101 deputata. U Estonii prezidenta abiraje parłamient.
Heta aznačaje, što, akramia hałasoŭ parłamientaryjaŭ ad Centrysckaj partyi i Partyi reformaŭ, Karysu treba budzie zaručycca padtrymkaj albo Sacyjał-demakrataŭ, albo partyi Isamaa.
Kansiervatyŭnaja narodnaja partyja (EKRE) maje namier vyłučyć kandydatam u prezidenty Chiena Pyłuaasa.
Ałar Karys raniej zajmaŭ pasadu dziaržaŭnaha kantralora, rektara ŭniviersiteta pryrodaznaŭčych navuk i Tartuskaha ŭniviersiteta. U kastryčniku 2017 hoda jon byŭ abrany dyrektaram estonskaha Nacyjanalnaha muzieja.
Z 2016 hoda pasadu prezidenta zajmaje Kierści Kaljułajd.
