«Nadzieli na hałavu baksiorski šlem i łupili»: pravaabaronca Andrej Pałuda raspavioŭ, jak źbivali Jahora Marcinoviča
Pravaabaronca «Viasny» Andrej Pałuda raspavioŭ pra sustreču ŭ kamiery na Akreścina z redaktaram «Našaj Nivy» Jahoram Marcinovičam.
Jahor raspavioŭ Pałudu, jak jaho źbili pry zatrymańni:
«Apranuli na hałavu baksiorski šlem i łupili pa hałavie. Padčas pieratrusu jaho taksama bili. Navat kali jon chacieŭ vyjści z adnaho pakoja ŭ toj pakoj, dzie prachodziŭ pieratrus, — jaho bili. Jon robić krok — jamu ŭdar. Jamu było drenna — i chutkuju dapamohu [spačatku] nie chacieli puskać da śledčaha [jaki jaho dapytvaŭ paśla pieratrusu]», — padzialiŭsia historyjaj Jahora Marcinoviča Andrej Pałuda.
«Jahor — vialiki małojca. Čałaviek, jaki i siabie trymaŭ hodna i mužna, i jašče i padtrymlivaŭ inšych. Dla mianie było važna heta pabačyć, bo ź Jahoram ja znajomy ŭžo vielmi daŭno — i jon mienavita taki, jakim ja jaho viedaŭ», — dadaje Pałuda.
Hałoŭny redaktar «Našaj Nivy» Jahor Marcinovič byŭ zatrymany amal miesiac tamu, 8 lipienia, razam z Andrejem Dyńko, Andrejem Skurko i Volhaj Rakovičam. Zaraz jon razam z Andrejem Skurko znachodzicca ŭ SIZA na Vaładarskaha.